પ્રતાપગઢમાં ભયંકર અકસ્માત, બોલેરો કાર ટ્રકમાં ઘૂસી જતા 6 બાળકો સહિત 14 લોકોના ઘટનાસ્થળે જ મૃત્યુ

નવી દિલ્હી: ઉત્તર પ્રદેશ (Uttar Pradesh) ના પ્રતાપગઢ (Pratapgarh) માં મોડી રાતે ભયંકર રોડ અકસ્માત (Accident) સર્જાતા 6 બાળકો સહિત 14 લોકોના દર્દનાક મોત થયા છે. આ મામલો માનિકપુર પોલીસ સ્ટેશનના દેશરાજ ઈનારાનો છે જ્યાં જાનમાંથી પાછી ફરી રહેલી  બોલેરો ગાડી બેકાબૂ થતા રોડ પર ઊભેલી ટ્રકમાં ઘૂસી ગઈ. જેમાં 14 જાનૈયાઓએ જીવ ગુમાવ્યો. ડ્રાઈવરને ઝોકું આવી જતા આ અકસ્માત થયો હોવાની શંકા વ્યક્ત કરાઈ રહી છે. 

તમામ જાનૈયા શેખપુર ગામના લગ્ન સમારોહમાં સામેલ થઈને પાછા ફરી રહ્યા હતા. આ અક્સમાતનો ભોગ બનેલા 14 લોકોમાંથી 6 બાળકો છે. ઘટના સ્થળે પહોંચેલી પોલીસે બોલેરો ગાડીને ગેસ કટરથી કાપીને તમામ 14 લોકોના મૃતદેહો બહાર કાઢ્યા. પોલીસને રેસ્ક્યુ કરવામાં લગભગ 2 કલાકનો સમય લાગ્યો. 

Chief Minister Yogi Adityanath (in file pic) expresses grief over the Pratapgarh road accident. He has directed senior officials to reach the spot and provide all possible help to victims: CM's Office

Fourteen persons including six children died in the incident. https://t.co/3CR5vxoh2q pic.twitter.com/FmbYrcQa7F

— ANI UP (@ANINewsUP) November 20, 2020

તમામ મૃતદેહોને પોલીસે પોસ્ટમોર્ટમ માટે મોકલી દીધા છે. મળતી માહિતી મુજબ 12 જાનૈયા કુંડા કોતવાલીના જિગરાપુર ચૌસા ગામના રહીશ છે. જ્યારે બોલેરો ચાલક સહિત બે લોકો કુંડા વિસ્તારના અન્ય ગામના રહિશ હોવાનું કહેવાય છે.